მიუხედავად გარკვეული უთანხმოებისა, მოსკოვსა და თბილისს შორის მაინც არ არსებობს გადაუჭრელი პრობლემა. ამის შესახებ განაცხადა რუსეთის საგარეო საქმეთა მინისტრის მოადგილემ გრიგორი კარასინმა.
მისი თქმით, “არის მთელი რიგი პრობლემური საკითხებისა, რომლებიც დაკავშირებულია ორ ქვეყანას შორის სხვადასხვა სფეროში არსებული ურთიერთობის პრაქტიკულ ასპექტებთან”.
კარასინმა გამოყო საქართველოსა და რუსეთს შორის თანამშრომლობა რამდენიმე სფეროში. “ეს პირველ რიგში ეხება ვაჭრობას, ტრანსპორტს, ავიაციას და ტურიზმს”,- აღნიშნა კარასინმა.
ინფორმაციას ავრცელებს სააგენტო “ТАСС”.