რუსეთმა ზაპოროჟიეს დაარტყა – არიან დაშავებულები, მათ შორის ბავშვებიც.ინფორმაციას უკრაინული Telegram-არხები ავრცელებენ და წერენ, რომ დაშავებულთა შორის ერთ-ერთი 5 წლის ბიჭია, რომლის მდგომარეობაც მძიმეა. უკრაინული მედიის ცნობით, რუსული მართვადი საავიაციო ბომბი ერთ-ერთ მრავალსართულიან საცხოვრებელ კორპუსთან ჩამოვარდა, რის გამოც ხანძარი გაჩნდა. ადგილზე მეხანძრე-მაშველები მუშაობენ.
