შეერთებული შტატების გაერთიანებული შტაბის თავმჯდომარის გენერალ მარკ მილის თქმით, რუსეთმა ჯერჯერობით ვერც ერთი HIMARS სარაკეტო გამშვები სისტემა ვერ გაანადგურა, რომელიც აშშ-მა უკრაინას გაუგზავნა.
„დღემდე ეს სისტემები რუსებს არ გაუნადგურებიათ და ყოველ ჯერზე, როცა მსგავს რამეს ვამბობ, ხეზე ვაკაკუნებ. ისინი [უკრაინელები] ძალიან ეფექტურად იყენებენ HIMARS სისტემას“, – განაცხადა გენერალმა.
მანამდე, თავდაცვის დეპარტამენტმა განაცხადა, რომ HIMARS სისტემები „მნიშვნელოვან გავლენას ახდენენ იმაზე, რაც ხდება, ფრონტის ხაზზე“ უკრაინაში.
