რუსეთმა შვედეთის საელჩოდან სამი დიპლომატი გააძევა

რუსეთის საგარეო საქმეთა სამინისტრომ მოსკოვში მდებარე შვედეთის საელჩოს სამი თანამშრომლის ქვეყნიდან გაძევების შესახებ განაცხადა. ამის შესახებ უწყების ვებგვერდზე გამოქვეყნებულ განცხადებაშია ნათქვამი.

26 აპრილს რუსეთის საგარეო საქმეთა სამინისტროში გამოიძახეს შვედეთის ელჩი, რომელსაც აცნობეს, რომ სტოკჰოლმში რუსეთის საელჩოს სამი დიპლომატიური თანამშრომლის გაძევების საპასუხოდ, „რუსულმა მხარემ მიიღო გადაწყვეტილება, „პერსონა ნონ გრატად“ გამოეცხადებინა შვედეთის საელჩოს სამი დიპლომატი“.

მანამდე მედიაში გავრცელდა ინფორმაცია, რომ შვედეთმა ნატოში გაწევრიანებაზე მიღებული გადაწყვეტილების პარალელურად, დიდი ბრიტანეთისგან და შეერთებული შტატებისგან ქვეყნის უსაფრთხოებასთან დაკავშირებით, კონკრეტული დაპირებები მიიღო.

მედიის ცნობით, შვედეთი და ფინეთი, სავარაუდოდ, ივნისის ბოლოს დაგეგმილ ნატოს სამიტს არ დაელოდებიან და ალიანსში გაწევრიანებაზე, უკვე მაისში განაცხადებენ.

banner
წინა სტატიაშიყელზე გადგათ, მაგრამ არსებობს და დიდხანს იქნება კიდევ ჯანმრთელი და ცოცხალი – წულუკიანი ივანიშვილზე
შემდეგი სტატიახელისუფლებამ მოუსპო ჯანმრთელობა მიხეილ სააკაშვილს და აგრძელებს მის წამებას – ადვოკატი