12 აგვისტოს 8 აგვისტოს აფეთქებისგან დაზიანებული საზღვაო პლატფორმისკენ მიმავალი გემი, პროექტ 20180-ის “ვარსკვლავის” მაშველ გემს გავს – მონტერეის მიდლბერიის საერთაშორისო ინსტიტუტის მკვლევარმა ენ პელეგრინომ დაწერა საკუთარ “ტვიტერში” – რუსული მედია წერს.
20180 “ვარსკვლავის” გემი ფიგურირებდა რუსეთის თავდაცვის სამინისტროს სლაიდებში, სადაც აღწერილი იყო გემი “განკითხვის დღე” – ოკეანის მრავალმიზნობრივი სისტემა “სტატუს-6”. ამგვარ ზღვის ხომალდს შეუძლია მესამე რანგის გემი АС-39 გადაიტანოს და დაახლოებით 6500 მეტრის სიღრმეში ჩავიდეს.
12 აგვისტოს გემი ამერიკული კომპანია Maxar Technologies თანამგზავრის ფოტოებზე დაფიქსირდა და ის 15 აგვისტოს The New York Times-ის ჟურნალისტმა კრისტოფ კეტლმა საკუთარ “ტვიტერზე” გამოაქვეყნა.
8 აგვისტოს ინციდენტი რუსეთის სამხედრო-საზღვაო ფლოტის პოლიგონში მოხდა თეთრ ზღვაში, დასახლებულ პუნქტ ნენოქსთან ახლოს, რომელიც დაახლოებით 30 კმ-შია სევეროდვისნსკიდან. სავარაუდოდ, აფეთქება რაკეტა ჰიპერხმოვანი “ციკლონის” ელემენტების გადახურებამ გამოიწვია, სახელდება სხვა მიზეზებიც.
შემთხვევა მკაცრად გასაიდუმლოებულია და მასზე მხოლოდ ის არის ცნობილი, რომ 7 ადამიანი დაიღუპა. საუბრობენ იმაზეც, რომ აფეთქებას დიდი რაოდენობით რადიაციული ნივთიერებების გამოყოფა მოყვა, რასაც რუსეთის ხელისუფლება საგულდაგულოდ მალავს.