საერთაშორისო საქმეების ფედერაციის კომიტეტის საბჭოს წევრის იგორ მოროზოვის თქმით, თურქეთი იმ ქვეყნების სიაში უნდა შევიდეს, რომელთანაც ავიაკავშირები აქვს რუსეთს შეწყვეტილი – ცნობას რუსული მედია ავრცელებს.
“ეს ავიამიმართულება უნდა შეწყდეს იქამდე, სანამ თურქეთთან ურთიერთობა არ მოწესრიგდება. რუსი ტურისტებისთვის უსაფრთხო არ არის ქვეყანა, რომელიც რუსულ თვითმფრინავებს აგდებს” – განაცხადა მოროზოვმა.
24 ნოემბერს სირია-თურქეთის საზღვარზე თურქეთის საჰაერო სამხედრო ძალების მიერ რუსული ავიაგამანადგურებელი იქნა ჩამოგდებული. კატაპულტირებული ორივე პილოტიდან ერთი ხმელეთიდან დაცხრილეს, მეორეს შესახებ კი ინფორმაცია ჯერჯერობით არ ვრცელდება.