რუსეთის საგამოძიებო კომიტეტმა უკრაინის მხარეს საბრძოლო მოქმედებებში მონაწილეობისთვის “ქართული ლეგიონის” 70-ზე მეტი წევრი დაუსწრებლად ცნო დამნაშავედ. ამის შესახებ ინფორმაციას რუსეთის სამთავრობო მედია Tass ავრცელებს.
მათ შორის არის “ქართული ლეგიონის” ხელმძღვანელი, მამუკა მამულაშვილი.
“ამჟამად ლეგიონის 70-ზე მეტი დაქირავებული მებრძოლი დაუსწრებლად არის გასამართლებული.
დადგენილია, რომ მამულაშვილმა 2014 წელს შექმნა ქართული ლეგიონი და წევრები საქართველოდან აიყვანა, რათა დონეცკის სახალხო რესპუბლიკის მთავრობის წინააღმდეგ საბრძოლო მოქმედებებში მიეღოთ მონაწილეობა”, – ციტირებს სამთავრობო მედია TASS-ს.
შეგახსენებთ, რომ მოსკოვის საგამოძიებო კომიტეტმა უკრაინაში მებრძოლი ქართველების წინააღმდეგ სისხლის სამართლის საქმე აღძრა.
