უკრაინის ქალაქ კრივი-რიჰში რუსული დრონებით თავდასხმის შედეგად ქალაქის უდიდესი სავაჭრო ცენტრი დაიბომბა. ბოლო მონაცემებით, დაღუპულია 2 და დაშავებულია სულ მცირე 15 ადამიანი. ინფორმაციას უკრაინული მედია ქალაქის თავდაცვის საბჭოს ხელმძღვანელზე დაყრდნობით ავრცელებს.
უწყების ცნობით, აფეთქებების შედეგად სავაჭრო ცენტრის ტერიტორიაზე მასშტაბური ხანძარი გაჩნდა. ადგილზე მობილიზებულია საგანგებო სიტუაციების სამსახური და მიმდინარეობს სამაშველო ოპერაცია.
სამუშაოების დასრულებამდე სხვა დამატებითი დეტალები ჯერჯერობით უცნობია.
