როსკომნადზორმა, რუსეთის გენერალური პროკურატურის თხოვნით, აკრძალული საიტების რეესტრს Human Rights Watch დაამატა – ამის შესახებ BBC წერს.
გადაწყვეტილება მას შემდეგ მიიღეს, რაც სტატია სახელწოდებით: “უკრაინა: ბრძოლებს გაქცეული მშვიდობიანი მოქალაქეები იღუპებიან რუსული თავდასხმის დროს” – გამოქვეყნდა საერთაშორისო უფლებადამცველი ორგანიზაცია Human Rights Watch-ის ვებგვერდზე.
Human Rights Watch-ის სტატიაში საუბარია რუსული ჯარების მიერ ჰუმანიტარული დერეფნების დაბომბვაზე. შედეგად, HRW-ს მთელი ვებგვერდი დაიბლოკა.
