მოკლული პოლიტიკოსის, ბორის ნემცოვის შვილი ჟანა ნემცოვა რუსეთმა “არასასურველი ორგანიზაციის საქმიანობის ორგანიზებისთვის” საერთაშორისო ძებნილთა სიაში შეიყვანა.
როგორც მედია წერს, რუსეთის იუსტიციის სამინისტრომ ნემცოვას მიერ მამის მკვლელობის შემდეგ, 2015 წელს გერმანიაში დაფუძნებულ თავისუფლების ფონდს „არასასურველის“ სტატუსი მიანიჭა. საერთაშორისო ძებნის გამოცხადებამდე, მოსკოვის სასამართლომ მას დაუსწრებლად ორთვიანი წინასწარი პატიმრობა შეუფარდა, რომელიც ძალაში მისი რუსეთის ტერიტორიაზე დაკავების ან ექსტრადიციის მომენტიდან შევა. რუსეთის კანონმდებლობით, ამ ბრალდებით ნემცოვას 6 წლამდე თავისუფლების აღკვეთა ემუქრება
