რუსეთის უზენაესმა სასამართლომ ოპოზიციური პარტია „იაბლოკო“ სახელმწიფო დუმის არჩევნებიდან მოხსნა — ინფორმაციას რუსული მედია ავრცელებს.
„პარტია „როდინას“ სარჩელი სრულად დაკმაყოფილდეს“, — ნათქვამია სასამართლოს გადაწყვეტილებაში.
ნაციონალისტური პარტია „როდინას“ მიერ შეტანილ სარჩელში „იაბლოკოს“ უცხოური დაფინანსების მიღება, საავტორო უფლებების დარღვევა და ექსტრემისტულ მოძრაობებთან კავშირი ედებოდა ბრალად.
პარტიის თავმჯდომარემ ნიკოლაი რიბაკოვმა სასამართლოს წინ შეკრებილ მხარდამჭერებს განუცხადა, რომ ხედავს, თუ რამდენ ადამიანს სურს მშვიდობა.
რიბაკოვის თქმით, „იაბლოკო“ სასამართლოს გადაწყვეტილებას გაასაჩივრებს და არჩევნებში მონაწილეობის მისაღებად ყველა სამართლებრივ მექანიზმს გამოიყენებს.
