ბოლოდროინდელი დანაკარგების შემდეგ, რუსეთის შავი ზღვის ფლოტმა დაკარგა უკრაინის ეფექტური საზღვაო ბლოკადის განხორციელების უნარი, მაგრამ ჯერ კიდევ შეუძლია პატრულირება და უკრაინის მიმართულებით რაკეტების გასროლა, – ამის შესახებ დიდი ბრიტანეთის თავდაცვის სამინისტრო იტყობინება.
ბრიტანული დაზვერვა აცხადებს, რომ რუსულ ფლოტზე დარტყმები, რომელიც 20 და 22 სექტემბერს მისი შტაბის განადგურებით დასრულდა, ბევრად უფრო დამანგრეველი და კოორდინირებული იყო, ვიდრე ყველაფერი, რაც აქამდე მოხდა ომში.
ბრიტანელი სამხედრო ექსპერტების აზრით, რუსეთის შავი ზღვის ფლოტის დანაკარგები სერიოზულია, მაგრამ რუსეთის ფლოტს ჯერ კიდევ შეუძლია რუსეთის სანაპიროზე პატრულირება და უკრაინის მიმართულებით რაკეტების გასროლა.
„შავ ზღვაში მიმდინარეობს დინამიური ბრძოლა. ეს, სავარაუდოდ, აიძულებს რუსეთს რეაქტიულად იმოქმედოს, რაც აჩვენებს, რომ უკრაინის არმიას შეუძლია ძირი გამოუთხაროს კრემლის სიმბოლურ და სტრატეგიულ ძალას, რომელიც კონცენტრირებულია ყინვაგამძლე პორტში, ოკუპირებულ სევასტოპოლში“, – აცხადებს ბრიტანული დაზვერვა.
