რუსეთის ფედერაციის შავი ზღვის ფლოტის გემები გარკვეული ტიპის მანევრირებას და გადაჯგუფებას აგრძელებენ, – ამის შესახებ ინფორმაციას ოდესის რაიონული სამხედრო ადმინისტრაციის სპიკერი სერგეი ბრატჩუკი ავრცელებს.
„ცნობილია, რომ შავ ზღვაში იმყოფება ერთი გემი ფრთოსანი რაკეტებით ბორტზე, ერთი წყალქვეშა ნავი და ასევე, რამდენიმე დიდი სადესანტო გემი“,- განაცხადა ბრატჩუკმა.
მისი თქმით, საზღვაო დესანტის უკრაინის ტერიტორიაზე გადასხმის რისკი მუდმივად რჩება, თუმცა ჯერ არ ჩანს რუსეთის ფედერაციის ჯარის მომზადება სადესანტო ოპერაციის ჩატარების აქტიური ფაზისთვის.
