საავტომობილო გზების დეპარტამენტის მიერ 18 მარტს გამოცხადებული შესყიდვის თანახმად, რუსეთის საზღვართან საავტომობილო გზის სარეაბილიტაციო სამუშაოებზე 41.5 მლნ ლარის ღირებულების ტენდერი გამოცხადდა.
კერძოდ, იგეგმება საერთაშორისო მნიშვნელობის მცხეთა-სტეფანწმინდა-ლარსის (რუსეთის ფედერაციის საზღვარი) საავტომობილო გზის კმ37-კმ56 მონაკვეთის სარეაბილიოტაციო სამუშაოები (ლოტი 2 – კმ47-კმ56).
უფრო კონკრეტულად, საპროექტო მონაკვეთი მოიცავს ტერიტორიას: მდინარე არყალას ხიდის დასასრულიდან – ხანდოს ხევის ხიდის დასაწყისამდე. საუბარია, 19.4 კმ. სიგრძის მონაკვეთზე.
სატენდერო პირობების თანახმად, წინადადებების მიღება 25 აპრილს იწყება და 30 აპრილს დასრულდება. შესყიდვის სავარაუდო ღირებულება კი 41 544 128 ლარს შეადგენს.
