ამერიკელ დიპლომატებსა და სხვა ამერიკული არასამთავრობო ორგანიზაციების წარმომადგენლებს რუსეთის 2018 წლის საპრეზიდენტო არჩევნებზე დასაკვირვებლად არ დაუშვებენ. ინფორმაციას ამის შესახებ გამოცემა რუსული მედია საგარეო საქმეთა მინისტრის მოადგილეზე სერგეი რიაბკოვზე დაყრდნობით ავრცელებს.
“რაც შეეხება ამერიკელი დიპლომატებს, ისინი არ იქნებიან ამ პროცესზე დაშვებულები, რადგან 2016 წლის ამერიკის საპრეზიდენტო არჩევნებში რუსეთის დიპლომატიური მისიის წარმომადგენლები არ დაუშვეს“, – განაცხადა მინისტრის მოადგილემ.
მისი თქმით, ამ რადიკალური გადაწყვეტილების შესახებ რუსეთში მომუშავე ამერიკის დიპლომატიურ მისიას შეტყობინება უკვე გაუგზავნა. რიაბკოვის თქმით, ეს შეზღუდვა არ მოქმედებს ამერიკის შეერთებული შტატების იმ მოქალაქეებზე, რომლებიც ეუთოს მისიის ფარგლებში გეგმავენ საარჩევნო პროცესზე დაკვირვებას.