კრამატორსკში რუსეთის საჰაერო დარტყმების შედეგად, სულ მცირე, ორი ადამიანი დაიღუპა, ხოლო სამი დაშავდა.
ინფორმაცია ამის შესახებ დონეცკის საოლქო-სამხედრო ადმინისტრაციის თავმჯდომარემ, ვადიმ ფილაშკინმა გაავრცელა.
ფილაშკინას თქმით, რუსულმა ჯარებმა ქალაქში ხუთი საჰაერო ბომბი ჩამოაგდეს. მისივე ცნობით, თავდასხმისას დაზიანდა რამდენიმე მრავალსართულიანი შენობა და ავტომობილი.
„ადგილზე მუშაობს ყველა საჭირო სამსახური. დაჭრილებს სამედიცინო დახმარებას უწევენ. საცხოვრებელი შენობების დღისით დაბომბვა რუსების მიერ განზრახ გაკეთებული არჩევანი და ტაქტიკაა“, – აცხადებს ვადიმ ფილაშკინი.
