იტალიის პრემიერ-მინისტრი, ჯორჯა მელონი აშშ-ის “სამშვიდობო გეგმასთან” დაკავშირებით რუსეთის მოთხოვნებს არაგონივრულს უწოდებს და დასძენს, რომ ოკუპანტს მთელ დონბასზე კონტროლის სადავეების ხელში აღების გარდა, იმ ტერიტორიებზეც სურს კონტროლი, რომელიც ოკუპირებულიც კი არ აქვს.
“რუსეთი უკრაინასთან დაკავშირებულ სამშვიდობო მოლაპარაკებებში აყენებს არაგონივრულ მოთხოვნებს, კერძოდ, დაჟინებით მოითხოვს კონტროლს მთელ დონბასზე, მათ შორის იმ ტერიტორიებზეც, რომლებიც მას არ აქვს ოკუპირებული”, – აცხადებს მელონი.
