11 ივლისის ღამეს რუსულმა ძალებმა კიევზე მორიგი მასირებული შეტევა განახორციელეს. უკრაინის საგანგებო სიტუაციების მართვის სამსახურის ინფორმაციით, თავდასხმის შედეგად სულ მცირე 10 ადამიანი დაშავდა, მათ შორის ერთი არასრულწლოვანია.
ოფიციალური უწყების განცხადებით, ეს უკვე მესამე შემთხვევაა ერთ კვირაში, როდესაც რუსეთი კიევზე მიზანმიმართულ იერიშს ახორციელებს.
თავდასხმის შედეგად ქალაქის რამდენიმე უბანში — სოლომიანსკის, დარნიცკის და დნიპროვსკის რაიონებში — დაფიქსირდა აფეთქებები და გაჩნდა ხანძრები.
ადგილზე მთელი ღამის განმავლობაში მუშაობდნენ სამაშველო ეკიპაჟები, რომლებიც ცეცხლის ლოკალიზებასა და დაშავებულებისთვის დახმარების აღმოჩენას ცდილობდნენ.
