გასული დღე-ღამის განმავლობაში, ხერსონის ოლქზე რუსეთის სამხედრო ძალების თავდასხმების შედეგად 21 ადამიანი დაშავდა. ინფორმაციას ხერსონის საოლქო-სამხედრო ადმინისტრაციის ხელმძღვანელი, ალექსანდრ პროკუდინი „ტელეგრამზე“ დაყრდნობით ავრცელებს.
„რუსული აგრესიის შედეგად 21 ადამიანია დაშავებული“, — ნათქვამია განცხადებაში.
საოლქო ადმინისტრაციის ცნობით, რუსულმა მხარემ ხერსონის ოლქის ათეულობით დასახლებულ პუნქტზე, მათ შორის ბერისლავზე, ანტონივკაზე, ბილოზერკაზე, სადოვესა და უშუალოდ ქალაქ ხერსონზე, იერიშები დრონებით, საავიაციო დარტყმებითა და არტილერიის გამოყენებით მიიტანა.
