რუსეთის პრეზიდენტისთვის, ვლადიმირ პუტინისთვის დონბასში რუსეთის გამარჯვება შესაძლოა საკმარისი არ იყოს უკრაინაში ომის დასასრულებლად. ამის შესახებ აშშ-ის ეროვნული დაზვერვის ხელმძღვანელმა ავრილ ჰეინსმა განაცხადა.
მისი თქმით, არის ნიშნები იმისა, რომ რუსეთს სურს დნესტრისპირეთში სახმელეთო ხიდის გაფართოება.
„ვვარაუდობთ, რომ პრეზიდენტი პუტინი ემზადება უკრაინაში უფრო ხანგრძლივი კონფლიქტისთვის, რომლის დროსაც მას სურს მიაღწიოს მიზნებს დონბასის გარეთ“, – თქვა ჰეინსმა.
როგორც ჰეინსმა განაცხადა, პუტინი ელის, რომ დასავლეთის გადაწყვეტილება დროთა განმავლობაში შესუსტდება.
