საერთაშორისო სავალუტო ფონდის მონაცემებით, რუსეთის ეკონომიკა 2016 წელს 1%-ით დავარდება, ამის შესახებ ფონდის ექსპერტები ჟურნალ World Economic Outlook Update-ში წერენ.
ადრე საერთაშორისო სავალუტო ფონდი რუსული ეკონომიკის ვარდნას 0,6%-ით ვარაუდობდა. რაც შეეხება დსთ-ს ქვეყნებს, ექსპერტების ვარაუდით, მათი ეკონომიკური ზრდის მაჩვენებელი 0 %-ი იქნება.
მოხსენებაში ექსპერტები ასევე საუბრობენ ჩინურ ეკონომიკაზე და მის წლიურ ზრდას 6,3%-ით ვარაუდობენ, ინდოეთისას კი – 7,5%-ით.
