რუსეთის სახელმწიფო დუმამ მესამე წაკითხვით მიიღო კანონპროექტი ყალბი ახალი ამბებისა და მთავრობის შეურაცხყოფის შესახებ, რომელიც მკაცრი კრიტიკის შემდეგ ჩაასწორეს. ინტერნეტ-მედიამ და მოქალაქეებმა “შეცდომის უფლება” მიიღეს, ამავე დროს, ჯარიმის მაქსიმალური რაოდენობა ათჯერ გაიზარდა როგორც ყალბი ინფორმაციისათვის, ასევე, მთავრობის შეურაცხყოფისათვის.
საზოგადოების, სახელმწიფო სიმბოლოებისა და სახელმწიფო ორგანოების შეურაცხმყოფელი პუბლიკაციებისათვის ჯარიმა 20-ჯერ გაიზარდა და ის დაახლოებით 12 ათასი ლარის ნიშნულამდე ავიდა, ან პირი 15 დღე-ღამით თავისუფლების აღკვეთით დაისჯება.
დუკუმენტს კენჭი 322-მა დეპუტატმა უყარა, მათგან 78 კანონის წინააღმდეგი იყო.