უკრაინაში ვითარება კვლავ უკიდურესად იძაბება.
სააგენტო „უკრინფორმის“ ინფორმაციით, რუსული არმია დასახლებულ პუნქტებზე იერიშებს აძლიერებს. ხერსონში გაჩერების დაბომბვის პარალელურად, მძიმე დარტყმები განხორციელდა დნეპროპეტროვსკის ოლქშიც, სადაც 26 ადამიანი დაშავდა, ხოლო თავად ხერსონის ცენტრში საარტილერიო დაბომბვას მსხვერპლი მოჰყვა.
ამასთანავე, რამდენიმე დღით ადრე, რუსულმა არმიამ ხერსონის ცენტრალური ნაწილი არტილერიით დაბომბა, რასაც კიდევ ერთი მამაკაცის სიცოცხლე ემსხვერპლა, ორი მოქალაქე კი მძიმედ დაშავდა. უკრაინის აღმოსავლეთსა და სამხრეთში საჰაერო განგაში კვლავ აქტიურია.
