საერთაშორისო ორგანიზაციებისა და სხვადასხვა ქვეყნების მოწოდების მიუხედავად, რუსეთი უკრაინისთვის დაკავებული მეზღვაურების და გემების დაბრუნებაზე უარს ამბობს.
კრემლი ინციდენტს აფასებს, როგორც უცხო ქვეყნის გემების შეჭრას რუსეთის ფედერაციის ტერიტორიულ წყლებში – რუსეთის პრეზიდენტის პრეს-მდივანმა დიმიტრი პესკოვმა განაცხადა. “ეს უცხოური გემები რუსეთის წყლებში შევიდნენ, ისინი ჩვენი მესაზღვრეების მოწოდებებზე არ რეაგირებდნენ და ა.შ და ამდაგვარი” – პესკოვმა თქვა.
უკრაინის სამხედრო ძალების მოსამსახურეები რუსეთის კანონმდებლობის შესაბამისად აგებენ პასუხს – პესკოვმა თქვა, მაგრამ ამავე დროს, მან პასუხი არ გასცა ერთ-ერთი ჟურნალისტის შეკითხვას, არიან თუ არა უკრაინელი სამხედროები მძევლები.
Reuters-ის ინფორმაციით, ორშაბთს ბერლინში “ნორმანდიული ოთხეულის” შეხვედრა გაიმართება, რომლის დროსაც რუსეთის, უკრაინის, საფრანგეთისა და გერმანიის დიპლომატები ყირიმის სანაპიროზე შექმნილ სიტუაციას განიხილავენ. გარდა ამისა, დღესვე, ბრიუსელში ნატო-უკრაინის კომისიის სხდომა გაიმართება.
ევროკავშირი რუსეთის წინააღმდეგ დამატებითი სანქციების შემოღებაზე მსჯელობს.
