მოსკოვი ბელორუსზე შესაძლო თავდასხმას მიიღებს, როგორც საკუთარ თავზე განხორციელებულ აგრესიას – მისნკში რუსეთის ელჩმა მიხაილ ბაბიჩმა განაცხადა.
“ეს ქვეყანა აბსოლუტურად დაცულია და შეუძლია აბსოლუტურად მშვიდად იყოს” – ბელორუსულ ტელეარზხე გამოსვლისას თქვა – “დოიჩე ველე” წერს. ელჩმა, ასევე, აღნიშნა, რომ რუსეთის ფედერაცია და ბელორუსი აღნიშნულ საკითხთან დაკავშირებით ერთნაირ სამხედრო პოლიტიკას იზიარებენ როგორც თავდაცვის, ასევე საპასუხო დარტყმების შესახებ – ბაბიჩმა თქვა პოლონეთის ტერიტორიაზე აშშ-ს სამხედრო ბაზების განთავსების საკითხის კომენტირებისას, რომელიც ბელორუსის საზღვარზეა. “ცხადია, ეს ფაქტორი საგანგაშოა” – დაამატა ელჩმა.
მიხაილ ბაბჩინი რუსეთის ფედერაციის ელჩად 2018 წლის აგვისტოში დაინიშნა.
