რუსეთის ვეტერინალური და ფიტოსანიტარული ზედამხედველობის ფედერალურმა სამსახურმა (Россельхознадзор) წინადადებით მიმართა სოფლის მეურნეობის სამინისტროს, გაანადგუროს რუსეთში აკრძალული თურქული წარმოების ყველა პროდუქტი. ამის შესახებ 30 დეკემბერს ინფორმაციას ავრცელებს ამავე დაწესებულების პრეს-სამსახური.
რუსეთის ვეტერინალური და ფიტოსანიტარული ზედამხედველობის ფედერალური სამსახურის თანახმად, ამ პროდუქტების განადგურება უნდა დაიწყოს 2016 წლის 1 იანვრიდან. ასეთივე შეზღუდვები ვრცელდება ამერიკის, ევროკავშირის, კანადის, ავსტრალიის, ნორვეგიის, ალბანეთის, მონტე ნეგროს, ისლანდიის და ლიხტენშტეინის პროდუქტებზე.
რუსეთის პრემიერ-მინისტრმა დიმიტრი მედვედევმა 1 დეკემბერს ხელი მოაწერა დადგენილებას, რომელიც კრძალავს ჩამოთვლილი თურქული პროდუქტების რუსეთში შემოტანას. სიაში შევიდა ტომატები, მანდარინი, ფორთოხალი, ყურძენი, ვაშლი, ყვავილოვანი კომბოსტო და სხვა. დადგენილება ძალაში შედის 1 იანვრიდან.
