მოსკოვი ევროკავშირთან მნიშვნელოვან საკითხებზე დიალოგისთვის მზაობას გამოთქვამს, მათ შორის, საუბარია სამხედრო თანამშრომლობაზე – ამის შესახებ ევროკავშირში რუსეთის მუდმივმა წარმომადგენელმა ვლადიმირ ჩიჟოვმა გერმანულ Die Welt-თან საუბარში განაცხადა, რომელიც დღეს გამოქვეყნდა.
“სავსებით შესაძლებელია, რომ რუსეულმა არმიამ ევროკავშირის ოპერაციებში მიიღოს მონაწილეობა, როგორც ამას მესამე ქვეყნები აკეთებენ” – განაცხადა მაღალჩინოსანმა.
მისი თქმით, მოსკოვი და ბრიუსელი ბევრ საკითხებში თანამშრომლობენ, მათ შორის სომალიში პირატების წინააღმდეგ, ჩადის ოპერაციაში და ბალკანეთზე. ჩიჟოვის თქმით, ევროკავშირი რუსეთისათვის მთავარ პარტნიორად რჩება.