რუსეთის სახელმწიფო პროპაგანდისტული საინფორმაციო სააგენტო РИА Новости ინფორმაციას ავრცელებს, რომ რუსეთი დიზელის ექსპორტს კრძალავს და საწვავის იმპორტს იწყებს..
რუსეთის ვიცე-პრემიერმა ალექსანდრ ნოვაკმა აკრძალვის შესახებ ვლადიმერ პუტინთან შეხვედრაზე განაცხადა – „დღეს ჩვენ შემოვიღეთ აკრძალვა დიზელის საწვავის ექსპორტზე, რაც საშუალებას მოგვცემს გავზარდოთ მიწოდება შიდა ბაზარზე.“ – თქვა ნოვაკმა და დაამატა, რომ რუსეთი მიმდინარე თვეში სხვა ქვეყნებიდან საწვავის იმპორტს დაიწყებს.
რუსეთში საწვავის შიდა დეფიციტი გამოწვეულია ნავთობგადამამუშავებელი ქარხნების გაჩერებითა და დაუგეგმავი რემონტებით, რაც უკრაინული დრონების დარტყმებს მოჰყვა. აპრილში რუსეთმა აკრძალა ბენზინის ექსპორტი – ეს შეზღუდვა ივლისამდე უნდა გაგრძელებულიყო.
რუსეთის რამდენიმე რეგიონში საწვავის გაყიდვაზე წესდება შეზღუდვა იმის მიხედვით, ავტომობილის სარეგისტრაციო ნომერი კენტი ციფრით იწყება თუ ლუწით; ამ გზით ხელისუფლება ავტოგასამართ სადგურებთან გრძელი რიგების შემცირებას ცდილობს. რუსეთი ასევე აწარმოებდა მოლაპარაკებებს ყაზახეთთან დაახლოებით 50,000 მეტრული ტონა АИ-92 მარკის ბენზინის იმპორტზე, რათა შეემსუბუქებინა შიდა დეფიციტი, რომელიც ქარხნების გაჩერებამ და გაუთვალისწინებელმა ტექნიკურმა მომსახურებამ გამოიწვია.
