რუსეთის პრეზიდენტმა ვლადიემერ პუტინმა, რუსულ შეიარაღებულ ძალებს გასცა ბრძანება, რომ სირიაში საფრანგეთის საბრძოლო დანაყოფებთან, როგორც მოკავშირეებთან იმოქმედონ… აცხადებს euronews-ი.
,,თქვენი მოქმედების ზონაში, უახლოეს ხანებში მოვა საფრანგეთის საზღვაო სამხედრო ძალების ჯგუფი, ავიამზიდის მეთაურობით. უნდა დაამყაროთ ფრანგებთან პირდაპირი კონტაქტი და იმოქმედოთ მათთან როგორც მოკავშირეებთან,, უბრძანა რუსეთის მთავარსარდალმა ვლადიმერ პუტინმა სირიაში მოქმედ საზღვაო და საჰაერო ძალების მეთაურებს.
აღსანიშნავია, რომ რუსეთმა, მას შემდეგ რაც განაცხადა, რომ მისი სამგზავრო თვითმფრინავი ეგვიპტეში ტერაქტის შედეგად იყო ჩამოგდებული, გააორმაგა ისლამისტების პოზიციებზე ავიადარტყმები, ისევე როგორც საფრანგეთის ავიაციამ პარიზის ტერაქტების შემდეგ… ხოლო ტერაქტების შედეგად შექმნილმა ახალმა რეალობამ და ბოლო დღეების განმავლობაში ორი ქვეყნის პრეზიდენტების, ოლანდისა და პუტინის მოლაპარაკებებმა ერთმანეთს შორის, ისინი სირიაში მოკავშირეებად აქცია.
www.timer.ge
