მარიუპოლში ოფიციალური პირები ამბობენ, რომ რუსმა ოკუპანტებმა დაკრძალული ცხედრების ექსჰუმაცია დაიწყეს.
მარიუპოლის საკრებულომ Telegram-ზე გაავრცელა განცხადება, სადაც აღნიშნულია, რომ რუსები იმ ცხედრების ექსჰუმაციას ახდენდნენ, რომლებიც მანამდე საცხოვრებელი კორპუსების ეზოებში იყო დამარხული.
გარდა ამისა, განცხადებაში აღნიშნულია, რომ ოკუპანტები მოსახლეობას არ აძლევენ უფლებას, მოკლულები დაკრძალონ.
უკრაინის დაზვერვამ 13 მობილური კრემატორიუმი დააფიქსირა მარიუპოლში. ქალაქის ხელისუფლება ეჭვობს, რომ რუსები ამ გზით ომის დანაშაულის დაფარვას ცდილობენ.
