უკრაინული მედიის ინფორმაციით, რუსებმა კიევს დრონებით შეუტიეს, არიან დაშავებულები.
როგორც კიევის მერი, ვიტალი კლიჩკო აცხადებს, რუსულმა ძალებმა დრონით სოლომიანსკის რაიონში 5-სართულიან საცხოვრებელ კორპუსს დაარტყეს.
კლიჩკოს თქმით, თავდასხმის შედეგად ოთხი ადამიანი დაშავდა.
ასევე, რუსების იერიშის შემდეგ უკრაინის დედაქალაქის სოლომიანსკის რაიონში მდებარე საოფისე შენობაში ხანძარი გაჩნდა.
რუსული ძალების თავდასხმამდე კიევში საჰაერო განგაში გამოცხადდა.
