ხარკოვის სამხარეო ადმინისტრაციის ჯანდაცვის დეპარტამენტის ცნობით, 16 აპრილს რუსი ოკუპანტების მიერ ხარკოვში სარაკეტო შეტევა განხორციელდა. შედეგადაც დაიღუპა ერთი და დაშავდა 18 ადამიანი.
„16 აპრილს ხარკოვზე სარაკეტო თავდასხმის შედეგად, დაიღუპა ერთი ადამიანი, ხოლო დაშავდა სულ მცირე 18 პირი – ეს წინასწარი მონაცემებია“ – ამის შესახებ ჯანდაცვის რეგიონალური დეპარტამენტის დირექტორმა, მაქსიმ ხაუსტოვმა განაცხადა.
მედიის ცნობით, ხარკოვის მცხოვრებლები აცხადებენ, რომ ქალაქი რუსი ოკუპანტების მიერ მუდმივი დაბომბვების ქვეშაა.