25 ოქტომბრის ღამეს რუსმა სამხედროებმა უკრაინის მასშტაბით 11 უპილოტო საფრენი აპარატი გაუშვეს.
როგორც უკრაინის გენერალური შტაბი იტყობინება, უკრაინის საჰაერო თავდაცვის ძალებმა ოკუპანტების მიერ გაშვებული 11-ვე „შაჰიდი“ ჩამოაგდეს.
მთლიანობაში, ბოლო 24 საათის განმავლობაში, რუსეთმა 6 სარაკეტო და 51 საჰაერო დარტყმა განახორციელა, ასევე, 66 თავდასხმა მრავალჯერადი სარაკეტო სისტემებიდან უკრაინის ჯარების პოზიციებზე და დასახლებულ პუნქტებზე.
მათივე ინფორმაციით, არიან დაღუპულები და დაშავებულები, განადგურდა და დაზიანდა საცხოვრებელი სახლები, ასევე სხვა სამოქალაქო ინფრასტრუქტურა.
