იანვრის ბოლოს აფხაზეთის თვითგამოცხადებულ რესპუბლიკაში არსებული რუსეთის სამხედრო ბაზის მოსამსახურე პირებს ოთხ საცხოვრებელ კორპუსს და 150 ბავშვზე გათვლილ საბავშვო ბაღს გადასცემენ. “ბაღის სახელს სამხედროების ცოლთა საბჭო კენჭისყრით შეარჩევს” – ნათქვამია სპეციალურ განცხადებაში, რომელიც ადგილობრივმა მედიამ გაავრცელა.
ოთხი საცხოვრებელი კორპუსი შავი ზღვიდან 800 მეტრშია აგებული. “ყველა ბინა სამსახურებრივი საცხოვრებლის ფონდშია შეყვანილი და აღჭურვილია აუცილებელი საცხოვრებელი ტექნიკით და ავეჯით” – წერია განცხადებაში.
