დონალდ ტრამპის მხრიდან ვლადიმირ პუტინის მისამართით ამ ბოლო პერიოდში გაკეთებული არაერთი მწვავე განცხადების შემდეგ რუსმა პროპაგანდისტებმა შეიცვალეს აშშ-ის პრეზიდენტის მიმართ რიტორიკა და ძაგებაზე გადავიდნენ.
ეს განსაკუთრებით მას შემდეგაა შესამჩნევი, რაც ტრამპმა თქვა, რომ პირველი ვადის დროს პუტინს დაურეკა და უთხრა, რომ მოსკოვს გადაბომბავდა, თუ რუსეთის პრეზიდენტი უკრაინაში შეიჭრებოდა.
ტრამპს თავდაპირველად ცნობილი ვლადიმირ სოლოვიოვი დაესხა თავს: “ტრამპს რა ჰგონია, რომ მეფეა? და რომ რასაც ის იტყვის, ჩვენთვის კანონია და დავემორჩილებით? რაღაც, უპატივცემულო ფრაზებს ისვრის, ეტყობა, ტრამპის ბაიდენიზაციი დაწყებული”, – თქვა სოლოვიოვმა, რომელსაც მეორე დღეს მხარი აუბა ოლგა სკაბეევამ.
