რუმინეთის საგარეო საქმეთა მინისტრმა, ოანა ცოიუმ განაცხადა, რომ ნატო-ს საჰაერო თავდაცვის სისტემების მიწოდების დაჩქარების მოთხოვნით მიმართავს.
„ეს ჩვენი საჰაერო სივრცის დაუშვებელი და აშკარა დარღვევაა. გვაქვს დადასტურება, რომ ეს რუსული უპილოტო საფრენი აპარატია” – აღნიშნა ცოიუმ.
რუმინეთის საგარეო საქმეთა მინისტრის თქმით, ნატო-ს მთავარსარდალი მანამდე უკვე დაეთანხმა რუმინეთის წინა მოთხოვნა, ალიანსს სამხედრო ტექნიკა ქვეყანაში გადაეტანა, ახლა კი ბუქარესტი ამ მიწოდების დაჩქარებას ითხოვს.
ოანა ცოიუმ ასევე განმარტა, რომ რუმინეთი ნატო-ს წევრი ქვეყნების ელჩებთან დაგეგმილ შეხვედრაზე წამოჭრის ქალაქ გალატში რუსული დრონის ჩამოვარდნის საკითხს და „აღმოსავლეთ ფლანგზე შეკავებისა და თავდაცვის შესაძლებლობების გაძლიერების საჭიროებას“.
