16 აპრილს 12:00 საათზე ქ.ზუგდიდში კერძოდ კი „რუხი მოლში“ გაიმართება „ნიკორა ტრეიდის“ შვილობილი ბრენდის ჰიპერმარკეტი „ლიბრეს“ საზეიმო გახსნა. ეს არის ახალი სიტყვა რეგიონში, რომელიც თავის წვლილს შეიტანს მის სოციალურ და ეკონომიკურ განვითარებაში.
„ლიბრე” არის ჰიპერმარკეტების ქსელი, რომელიც მომხმარებელს სთავაზობს ყველაზე მოთხოვნად პირველადი მოხმარების პროდუქტებს ჰიპერ-ეკონომიურ ფასად. სავაჭრო ცენტრი 2000-მდე კვადრატზეა განთავსებული, ამ ეტაპისთვის კი დასაქმებულია 30-მდე ადამიანი.
