ამერიკის შეერთებული შტატების სახელით მარკო რუბიო რუს ხალხს ეროვნულ დღესასწაულს, „რუსეთის დღეს“ ულოცავს.
ოფიციალურ განცხადებაში რუბიო ხაზს უსვამს რუსეთ-უკრაინის ომის მშვიდობიანი მოგვარების აუცილებლობას და ორ ქვეყანას შორის მომავალში კონსტრუქციული ურთიერთობების აღდგენის იმედს გამოთქვამს.
რუბიოს განცხადებით, ამერიკის შეერთებული შტატები ერთგული რჩება იმ მიდგომის, რომელიც რუსეთ-უკრაინის ომის მშვიდობიანი გზით დასრულებას გულისხმობს.
„ამერიკის შეერთებული შტატების სახელით, ვულოცავ რუს ხალხს „რუსეთის დღეს“. შეერთებული შტატები კვლავაც ერთგული რჩება რუსეთ-უკრაინის ომის მშვიდობიანი მოგვარების პროცესის წინსვლისა. ჩვენ ვინარჩუნებთ იმედს, რომ მყარი მშვიდობა გზას გაუკაფავს უფრო აყვავებულ მომავალს რუსი ხალხისთვის და უფრო კონსტრუქციულ ურთიერთობას ჩვენს ორ ქვეყანას შორის“, — აღნიშნულია განცხადებაში.
