რთველის საკოორდინაციო შტაბი – 2 300 ტონამდე დასეტყვილი ყურძენი უკვე გადამუშავებულია

gulis eleqsiri

30 აგვისტოს მონაცემებით, 27 აგვისტოდან დღემდე, გადამუშავებულია 2 300 ტონამდე დასეტყვილი ყურძენი, რომელიც ღვინის საწარმოებს 600-მდე მევენახემ ჩააბარა – მათი შემოსავალი 2 მლნ ლარს აღწევს. ამის შესახებ ინფორმაციას ღვინის ეროვნული სააგენტო ავრცელებს.

კომპანიის ინფორმაციით, სახელმწიფო საწარმო შპს „მოსავლის მართვის კომპანია“ 29 აგვისტოს, 7 ლოკაციაზე შეუფერხებლად იღებდა სეტყვისგან დაზიანებული ყურძენს.

„26 აგვისტოს, ძლიერმა სეტყვამ და ქარმა, კახეთის რეგიონში, გურჯაანის, თელავისა და ყვარლის მუნიციპალიტეტებში, ვენახები 4600 ჰა ფართობზე დააზიანა. დაზიანების ხარისხი სხვადასხვა ლოკაციაზე განსხვავებულია და 10%-დან 90%-მდე მერყეობს.

მთავრობის გადაწყვეტილებით, მევენახეები, რომლებსაც სეტყვამ 100%-ით გაუნადგურა მოსავალი ერთჯერადი კომპენსაციის სახით თითოეულ 1 ჰექტარ ფართობზე 3000 ლარს მიიღებენ. ხოლო, სეტყვის შედეგად დაზიანებული ყურძნის ჩაბარებას, მევენახეები 3 სექტემბრის ჩათვლით შეძლებენ: 1 კგ რქაწითელს 0,80 ლარად და 1 კგ საფერავს – 1 ლარად.

ამასთან ერთად, უკვე დაწყებულია სეტყვისგან დაზარალებული აგროდაზღვევის სახელმწიფო პროგრამის ბენეფიციარების ზარალის დათვლა. სახელმწიფო, ყველა კულტურაზე სადაზღვევო პოლისის 70%-ის, ხოლო ვაზზე – 50%-ის დაფინანსებას ახდენს“, – ნათქვამია ინფორმაციაში.

წინა სტატიაშისაპატრიარქო – ბერის მიერ ჟურნალისტების გინება კერძო შემთხვევაა, რომლის განზოგადება “მიზანმიმართულად ხდება”
შემდეგი სტატიაადვოკატი – არ გამოვრიცხავ, ზურაბ ზვიადაურს კლინიკაში გადაყვანა დასჭირდეს