სტატისტიკის ეროვნული სამსახურის მონაცემებით, 2026 წლის 1-ელ კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 8.9%-ით (193.7 ლარით) გაიზარდა და 2 363.8 ლარი შეადგინა.
უფრო კონკრეტულად, სტატისტიკის ეროვნული სამსახურის მონაცემებით, საშუალო თვიური ხელფასის განაწილება საქართველოს რეგიონების მიხედვით, ასე გამოიყურება:
თბილისი – 2 770.6 ლარი;
მცხეთა-მთიანეთი – 2 188.8 ლარი;
ქვემო ქართლი – 2 011.4 ლარი;
აჭარა – 1.889.4 ლარი;
სამეგრელო-ზემო სვანეთი – 1 587.9 ლარი;
შიდა ქართლი – 1 538.9 ლარი;
სამცხე-ჯავახეთი – 1 520.8 ლარი;
იმერეთი – 1 471.4 ლარი;
გურია – 1 458.7 ლარი;
კახეთი – 1 418.5 ლარი;
რაჭა-ლეჩხუმი და ქვემო სვანეთი – 1 223.3 ლარი.
ცნობისთვის, ამავე მონაცემებით, 2026 წლის 1-ელ კვარტალში სამეწარმეო (ბიზნეს) სექტორში დაქირავებით დასაქმებულთა საშუალო თვიური ხელფასი გაიზარდა 166.3 ლარით (7.7%) და 2 335.9 ლარი შეადგინა. საქმიანობის სახეების მიხედვით ყველაზე მაღალი ხელფასი დაფიქსირდა ინფორმაციის და კომუნიკაციის (4 358.6 ლარი, წინა წლის შესაბამის პერიოდთან შედარებით გაიზარდა 2.4%-ით) და პროფესიულ, სამეცნიერო და ტექნიკურ საქმიანობებში (3 632.7 ლარი, გაიზარდა 6.8%-ით).
საქსტატის ინფორმაციითვე, 2026 წლის 1-ელ კვარტალში არასამეწარმეო და საფინანსო სექტორში საშუალო თვიური ხელფასი გასული წლის შესაბამის პერიოდთან შედარებით 242.8 ლარით (11.2%) გაიზარდა და 2 413.7 ლარი შეადგინა. საქმიანობის სახეების მიხედვით შედარებით მაღალი ხელფასი აქვთ საფინანსო და სადაზღვევო საქმიანობებში დასაქმებულებს.
