პოლონურ-ფრანგმა რეჟისორმა რომან პოლანსკიმ, რომელსაც არასრულწლოვანის გაუპატიურებასა და ძალადობაში ედება ბრალი, ამერიკის კინოაკადემიის წინააღმდეგ სასამართლოში სარჩელი შეიტანა – ის ორგანიზაციაში აღდგენას ითხოვს – Associated Press-ი წერს. განცხადებაში მითითებულია, რომ კინოაკადემიამ მისი გარიცხვისას საკუთარივე განაწესი დაარღვია. “ის გააგდეს წერილით, რომელიც ხელმოწერილი არ იყო” – პოლანსკის ადვოკატმა ჟურნალისტებს განუცხადა. აკადემია, თავის მხრივ, ამბობს, რომ რეჟისორის გარიცხვა ყველა რეგლამინის დაცვით მოხდა. პოლანსკიმ კი – ეთიკური კოდექსი დაარღვია.
