რომან გოცირიძე – „ქართულ ოცნებაში“ დიქტატურა მყარდება და განსხვავებული აზრის გამო კომიტეტებიდანაც უშვებენ ხალხს

region
: region იანვარი 3, 2019 18:42

რომან გოცირიძე – „ქართულ ოცნებაში“ დიქტატურა მყარდება და განსხვავებული აზრის გამო კომიტეტებიდანაც უშვებენ ხალხს

“ის, რასაც ახლა ჩვენ ვხედავთ, შეიძლება შევაფასოთ, როგორც “ქართული ოცნების” ჩამოშლის დასაწყისი”, – ამის შესახებ ფრაქცია “ნაციონალური მოძრაობის” თავმჯდომარემ რომან გოცირიძემ ჟურნალისტებს განუცხადა, რითაც გამოეხმაურა ფრაქცია “ქართული ოცნების” მიერ იურიდიულ საკითხთა კომიტეტიდან გედევან ფოფხაძის გაწვევას. რომან გოცირიძის თქმით, პარტიაში დიქტატურა მყარდება და განსხვავებული აზრის გამო კომიტეტებიდანაც უშვებენ ხალხს.

“ის, რასაც ახლა ჩვენ ვხედავთ, შეიძლება შევაფასოთ, როგორც “ქართული ოცნების” ჩამოშლის დასაწყისი. გაჩნდა ყველაზე დიდი ბზარი, რაც კი ბოლო პერიოდში ამ პარტიის კედლებზე იყო. ეს ბზარი შეიძლება იმდენად გაიზარდოს, რომ საკმაოდ მძიმე შედეგებით დამთავრდეს. ფაქტობრივად, პარტიაში მყარდება დიქტატურა. განსხვავებული აზრის გამოთქმისთვის კომიტეტებიდანაც კი უშვებენ ხალხს. თუ განსხვავებული აზრისთვის დაისაჯა ჭიჭინაძე და აიძულეს, რომ დაეტოვებინა “ქართული ოცნება”, დღეს უკვე დიდ ჯგუფთან გვაქვს საქმე. არჩევანი მათზეა – ან მორჩილებაში ყოფნა, ან მონობისგან გათავისუფლება”, – განაცხადა რომან გოცირიძემ.

region
: region იანვარი 3, 2019 18:42

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


13,921
ვიზიტორი
დღეში
Powered By Google Analytics