რომან გოცირიძე- „ნაციონალური მოძრაობა“ საკონსტიტუციო ცვლილებების მეორე მოსმენით მიღებას მიესალმება

region
ავტ.: region ივნისი 23, 2020 15:01

რომან გოცირიძე- „ნაციონალური მოძრაობა“ საკონსტიტუციო ცვლილებების მეორე მოსმენით მიღებას მიესალმება

ოპოზიციონერი დეპუტატი რომან გოცირიძე აცხადებს, რომ „ნაციონალური მოძრაობა“ საკონსტიტუციო ცვლილებების მეორე მოსმენით მიღებას მიესალმება.

„ივანიშვილს არ აქვს არავითარი პოლიტიკური რესურსი, რომ მეორეჯერ გაბედოს საერთაშორისო პარტნიორების, საკუთარი ხალხის მოტყუება და შეგვიძლია ჩავთვალოთ, რომ კონსტიტუცია ფაქტობრივად მიღებულია. დარჩა მესამე კენჭისყრა, ჩვენ მივიღებთ მონაწილეობას მესამე მოსმენით კენჭისყრაში, იმ შემთხვევაში, თუკი შეთანხმება შესრულდება მთლიანად, დარჩა ერთი პატარა ნაბიჯი გადასადგმელი, ივანიშვილმა გაათავისუფლოს გიორგი რურუა. ამ კონსტიტუციას ექნება მეტი პოლიტიკური წონა და ძალა ყველა ოპოზიციური პარტიის მონაწილეობით განხილვის შემთხვევაში. ჩვენ ვართ თანმიმდევრული ჩვენს დამოკიდებულებაში, ვართ ჩვენი იდეებისა და პოზიციის ერთგული.

შეუძლებელია, საარჩევნო პროცესში თუნდაც ამ ახალი კონსტიტუციის საფუძველზე მონაწილეობა სამართლიანად, მაშინ, როდესაც ქვეყანაში არის პოლიტიკური პატიმარი. ამ კონსტიტუციას ექნება მეტი პოლიტიკური სტაბილიზაციის მომტანი ფუნქცია, თუკი ის იქნება მიღებული საერთო კონსენსუსით და მას მხარს დაუჭერს ყველა ოპოზიციური პარტია, მათ შორის ის პარტიები, რომლებიც არ არიან პარლამენტში. ხვალ გიორგი რურუას სასამართლო პროცესია, რამდენიმე დღე დარჩენილია მესამე მოსმენამდე და იმედს ვიქონიებ, შეთანხმება სრულად იქნება შესრულებული“, – განაცხადა რომან გოცირიძემ.

საქართველოს პარლამენტმა საკონსტიტუციო ცვლილებები მეორე მოსმენით, 115 ხმით მიიღო.

region
ავტ.: region ივნისი 23, 2020 15:01

Google სტატისტიკა


6,766
ვიზიტორი
დღეში
Powered By Google Analytics