რომან გოცირიძე : მიხეილ სააკაშვილის უკრაინაში დაბრუნება, საქართველოში მისი დაბრუნების დაჩქარებას ნიშნავს

თაიმერი timer.ge
ავტ.: თაიმერი timer.ge მაისი 29, 2019 13:41

რომან გოცირიძე : მიხეილ სააკაშვილის უკრაინაში დაბრუნება, საქართველოში მისი დაბრუნების დაჩქარებას ნიშნავს

მიხეილ სააკაშვილის უკრაინაში დაბრუნება ძალიან მნიშვნელოვანი გზავნილია უკრაინის პრეზიდენტის მხრიდან მსოფლიო თანამეგობრობისთვის, – ამის შესახებ „ნაციონალური მოძრაობის“ წევრმა, დეპუტატმა, რომან გოცირიძემ განაცხადა.

მისი თქმით, უკრაინის პრეზიდენტი ვლადიმირ ზელენსკი სააკაშვილის რეფორმატორულ გამოცდილებას აფასებს და უკრაინა საქართველოს რეფორმების გზას გააგრძელებს.

„ზელენსკი მოიქცა სამართლიანად. ის სამართლებრივ სახელმწიფოს ააშენებს და არა, ოლიგარქიულ სახელმწიფოს, რაც იყო აქამდე. რაც შეეხება სააკაშვილის საქართველოსთან დამოკიდებულებასა და ქვეყანაში დაბრუნებას, ეს ახალი ტკივილი გაჩნდა საქართველოს ხელისუფლებისთვის და უკვე დაიწყეს უგუნური განცხადებები. უკრაინის პრეზიდენტს ურჩევენ, რომ მიხეილ სააკაშვილი უკრაინაში სახელმწიფო სამსახურში არ დაასაქმოს. ამით კიდევ ერთხელ თავს სასაცილო მდგომარეობაში იყენებენ“, – განაცხადა რომან გოცირიძემ.

მისი შეფასებით, უკრაინაში სააკაშვილის დაბრუნება, საქართველოში მისი დაბრუნების დაჩქარებას ნიშნავს.

„თუ საჭირო გახდება, მიხეილ სააკაშვილი იქნება უკრაინის პოლიტიკაში ან ადმინისტრაციაში, როგორც ის ჩათვლის საჭიროდ, მაგრამ სააკაშვილისთვის მთავარი მნიშვნელობა საქართველო აქვს და უკრაინაში სააკაშვილის დაბრუნება, საქართველოში მისი დაბრუნების დაჩქარებას ნიშნავს“, – განაცხადა რომან გოცირიძემ.

უკრაინის პრეზიდენტმა, ვლადიმირ ზელენსკიმ საქართველოს ყოფილ პრეზიდენტს, ოდესის ოლქის ყოფილ გუბერნატორს, მიხეილ სააკაშვილს უკრაინის მოქალაქეობა დაუბრუნა.

ამასთან, სააკაშვილი უკრაინაში ჩასვლას დღეს გეგმავს.

თაიმერი timer.ge
ავტ.: თაიმერი timer.ge მაისი 29, 2019 13:41

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,774
ვიზიტორი
დღეში
Powered By Google Analytics