სამარცხვინოც არის, სასაცილოც და სატირალიც, – ამის შესახებ ფრაქცია „ნაციონალური მოძრაობის” თავმჯდომარემ რომან გოცირიძემ სახელმწიფო უსაფრთხოების სამსახურის უფროსად გრიგოლ ლილუაშვილის ინიცირებასთან დაკავშირებით განაცხადა.
„იყო ასეთი ძალიან დიადი დრო საქართველოს ისტორიაში, როდესაც იყო ქართული ჰეგემონია ჭადრაკში და მაშინ ასეთი მეგობრული შარჟი იყო დახატული ერთერთ ჟურნალში და ეწერა შემდეგი ლექსი: „აი ჩვენი სამაია: ნანა, ნონა და მაია”.
აი ჩვენი სამაია: შინაგან საქმეთა მინისტრი „ქართუს“ კლერკი, თავდაცვის მინისტრი „ქართუს“ კლერკი, სუს-ის ხელმძღვანელი „ქართუს“ კლერკი – აი სამაია, რომელიც მართავს საქართველოს ძალოვან სტრუქტურებს. ამაზე მეტი სასაცილო და სატირალი რა უნდა იყოს ამ ქვეყანაში, როდესაც ვიღაცის მიერ პირადად დაქირავებული ადამიანები განაგებენ საქართველოს ბედსა და მის მომავალს. სამარცხვინოც არის სასაცილოც და სატირალიც”, -განაცხადა გოცირიძემ.
