ბრიტანული ლეგენდარული როკ-ჯგუფი Rolling Stones კუბაში ჩავიდა, სადაც დღეს უფასო კონცერტს ჩაატარებს – ეს 1959 წლის რევოლუციის შემდეგ ყველაზე დიდი კონცერტი იქნება.
მიმდინარე კვირას “თავისუფლების კუნძულს” ოფიციალური ვიზიტით აშშ-ს პრეზიდენტი ბარაკ ობამა ეწვია, რომელმაც ორ ქვეყანას შორის “ცივი ომის” დასასრული დააანონსა.
Rolling Stones-ის კონცერტი Ciudad Deportivo-ს სტადიონზე ჩატარდება.
კუბას ხელისუფლება ათეული წლების მანძილზე ადგილობრივ ახალგაზრდებს როკ მუსიკის მოსმენისთვის დევნიდა, ბევრი მათგანი დასავლურ მუსიკას მალულად უსმენდა.
“დრო ყველაფერს ცვლის” – განაცხადა Rolling Stones-ის ლიდერმა, მიკ ჯაგერმა ჰავანას აეროპორტში.
