თურქეთი კვიპროსში F-16-ის ტიპის ავიაგამანადგურებლების განლაგების საკითხს განიხილავს, – ამის შესახებ „როიტერი“ თურქეთის თავდაცვის სამინისტროს წარმომადგენელზე დაყრდნობით წერს.
საკითხთან დაკავშირებული წყაროს ცნობით, F-16-ის ტიპის ავიაგამანადგურებლების განლაგება ერთ-ერთი ღონისძიებაა, რომელიც კვიპროსის უსაფრთხოების უზრუნველყოფის მიზნით განიხილება.
მანამდე, იტალიამ, ესპანეთმა, საფრანგეთმა და ნიდერლანდებმა განაცხადეს, რომ კვიპროსს თავდაცვისთვის სამხედრო-საზღვაო ძალებს გაუგზავნიან. 2 მარტს კვიპროსზე მდებარე ბრიტანეთის ავიაბაზაზე თავდასხმა ირანული დრონით განხორციელდა.
