უკრაინის შეიარაღებულმა ძალებმა 11-17 მაისს მოსკოვსა და მოსკოვის ოლქზე დრონებით ყველაზე მასშტაბური თავდასხმა განახორციელა, – ამის შესახებ რუსეთის საგარეო საქმეთა სამინისტროს საგანგებო დავალებათა ელჩმა როდიონ მიროშნიკმა განაცხადა.
„გასულ კვირას კიევის ძალებმა მოსკოვსა და მოსკოვის ოლქზე ყველაზე მასშტაბური თავდასხმა განახორციელეს“, – განაცხადა მიროშნიკმა ყოველკვირეულ ანგარიშში.
მისი ინფორმაციით, მოსკოვის ოლქში სამოქალაქო სამიზნეების მიმართულებით სულ მცირე 100 თავდასხმის დრონი გაუშვეს.
„ტერორისტული თავდასხმების სამიზნეს საცხოვრებელი და მჭიდროდ დასახლებული ტერიტორიები წარმოადგენდა, რის შედეგადაც მშვიდობიანი მოქალაქეები დაიღუპნენ და დაშავდნენ“, – აღნიშნა ელჩმა.
მისი თქმით, მსგავსი თავდასხმები დაფიქსირდა რიაზანში, ბელგოროდსა და შახტიორსკში, სადაც დარტყმებმა ასევე გამოიწვია ფართომასშტაბიანი ნგრევა და მსხვერპლი.
