„დროებით ოკუპირებული სოხუმის აეროპორტში მოსკოვიდან პირველი საცდელი ფრენის შესრულება ყველანიარი საერთაშორისო ნორმისა და რეგულაციის დარღვევით განხორციელდა. მივმართავ ხელისუფლებას, როდემდე უნდა იყოთ ჩუმად,“ – აცხადებს პარტია „ევროპელი დემოკრატების“ თავმჯდომარე პაატა დავითაია „თაიმერთან“ საუბრისას.
დავითაიას თქმით, „ოცნებამ“ უნდა მიმართოს ICAO-ს და კიდევ ერთხელ გააპროტესტოს ანექსია, რომელიც რუსეთის ფედერაციის მხრიდან მიმდინარეობს და აცნობოს ისიც, თუ როგორ ხდება რუსეთის ფედარაციის მხირიდან ყველა საერთაშორისო ნორმის დარღევა.
„დღეს უნდა ხდებოდეს პოზიციის დაფიქსირება, სიჩუმე მიუღებელია,“ – ამბობს დავითაია.
სოხუმის აეროპორტმა 1993 წელს აფხაზეთის ომის გამო შეწყვიტა ფუნქციონირება.
სამოქალაქო ავიაციის საერთაშორისო ორგანიზაცია სოხუმის აეროპორტს საერთაშორისო აეროპორტად არ ცნობს, ვინაიდან ორგანიზაცია აღიარებს საქართველოს ტერიტორიულ მთლიანობას. ICAO-მ 2006 წელს გააუქმა აეროპორტის კოდი.
2023 წლის ოქტომბერში აფხაზეთის საოკუპაციო რეჟიმმა რეკონსტრუქციასთან დაკავშირებით ხელი მოაწერა ხელშეკრულებას რუსულ კომპანია “ინფრასტრუქტურ დეველოპმენტთან”. აღნიშნული კომპანია რუსეთის შს ყოფილი მინისტრის, რაშიდ ნურგალიევის ვაჟს ეკუთვნის.
