სომხური გამოცემა Armenia.IM ავრცელებს ინფორმაციას რობერტ კოჩარიანის დაპატიმრების თაობაზე. ინფორმაციის თანახმად, საერთო იურისდიქციის სასამართლომ ერევანში მიიღო გადაწყვეტილება სომხეთის მეორე პრეზიდენტის რობერტ კოჩარიანის დაპატიმრების თაობაზე ორი თვის ვადით. ამის შესახებ ჟურნალისტებს განუცხადა მისმა ადვოკატმა არამ ორბელიანმა. ამ უკანასკნელის განცხადებით, დეტალებს იგი 28 ივლისს გაახმოვანებს პრესკონფერენციაზე. ორბელიანმა არ უპასუხა ჟურნალისტების შეკითხვებს აპირებს თუ არა სასამართლოს გადაწყვეტილების გასაჩივრებას და თავად კოჩარიანი როგორ შეხვდა ამ გადაწყვეტილებას.
